The Blind Pig

體育主題酒吧,The Blind Pig,以美國十九世紀時期嘅「禁酒時期」作裝修靈感,原來當時嘅酒吧,會借名以豬隻等動物做表演收取入場費再「送」酒,所以店內有唔少豬隻裝飾。而且The Blind Pig更係區內首間體育主題酒吧,有多部大電視播放各項體育賽事節目,每逢賽季開鑼嘅時候,呢度就成為咗唔少體育迷嘅聚腳點!
除咗有波睇,餐廳提供多款酒精飲品同佐酒食物,例如招牌豬手脆條。外皮脆脆哋,啲肉好juicy,配埋甜甜哋又辣辣哋嘅自家製醬汁,非常惹味。而且餐廳為咗方便各位體育迷,將原隻豬手預先切好一片片,食落夠晒方便,一邊食一邊睇波就最爽啦!
地址:西灣河鯉景灣蘇豪東B期太康街45號地下B12-14A號舖網頁:http://www.shorehospitality.com.hk